Uncategories സ്‌കോളര്‍ഷിപ്പ് അപേക്ഷാതീയതി നീട്ടി

Saturday, 29 November 2014

സ്‌കോളര്‍ഷിപ്പ് അപേക്ഷാതീയതി നീട്ടി

November 29, 2014 No Comments
കേരളത്തില്‍ സ്ഥിരതാമസക്കാരായ മുസ്ലീം, ലത്തീന്‍ ക്രിസ്ത്യന്‍/പരിവര്‍ത്തിത ക്രിസ്ത്യന്‍ വിഭാഗത്തില്‍പ്പെട്ട പെണ്‍കുട്ടികള്‍ക്ക് വേണ്ടിയുള്ള 2014-15 അദ്ധ്യയന വര്‍ഷത്തെ സി.എച്ച്.മുഹമ്മദ്‌കോയ ഗേള്‍സ് സ്‌കോളര്‍ഷിപ്പ്/ഹോസ്റ്റല്‍ സ്റ്റൈപ്പന്റ് (പുതിയത്) എന്നിവയുടെ അവസാന തീയതി ഡിസംബര്‍ 10 വരെ നീട്ടി. ബിരുദത്തിന് പഠിക്കുന്ന 3000 വിദ്യാര്‍ത്ഥിനികള്‍ക്ക് 4,000 രൂപയും ബിരുദാനന്തര ബിരുദത്തിന് പഠിക്കുന്ന 1,000 വിദ്യാര്‍ത്ഥിനികള്‍ക്ക് 5,000 രൂപയും പ്രൊഫഷണല്‍ കോഴ്‌സിന് പഠിക്കുന്ന 1,000 വിദ്യാര്‍ത്ഥിനികള്‍ക്ക് 6,000 രൂപയും 2,000 വിദ്യാര്‍ത്ഥിനികള്‍ക്ക് ഹോസ്റ്റല്‍ സ്റ്റൈപ്പന്റ് ഇനത്തില്‍ 12,000 രൂപയും വീതമാണ് പ്രതിവര്‍ഷം സ്‌കോളര്‍ഷിപ്പ് നല്‍കുന്നത്. ഒരു വിദ്യാര്‍ത്ഥിനിക്ക് സ്‌കോളര്‍ഷിപ്പ്, ഹോസ്റ്റല്‍ സ്റ്റൈപ്പന്റ് എന്നിവയില്‍ ഏതെങ്കിലും ഒന്നിന് അപേക്ഷിക്കാം. കേരള സര്‍ക്കാര്‍, സര്‍ക്കാര്‍ എയ്ഡഡ് സ്ഥാപനങ്ങളില്‍ പഠിക്കുന്നവര്‍ക്കും പൊതു പ്രവേശന പരീക്ഷയെഴുതി സര്‍ക്കാര്‍ ക്വാട്ടയില്‍ പ്രവേശനം നേടി, സ്വാശ്രയ സ്ഥാപനങ്ങളില്‍ പഠിക്കുന്നവര്‍ക്കും അപേക്ഷിക്കാം. ആദ്യ വര്‍ഷങ്ങളില്‍ അപേക്ഷിക്കാന്‍കഴിയാതെ പോയവര്‍ക്കും ഇപ്പോള്‍ പഠിക്കുന്ന വര്‍ഷത്തേയ്ക്ക് അപേക്ഷിക്കാം. അപേക്ഷകര്‍ യോഗ്യതാ പരീക്ഷയില്‍ 50%-ല്‍ കുറയാത്ത മാര്‍ക്ക് നേടിയവരും കുടുംബ വാര്‍ഷിക വരുമാനം 4.5 ലക്ഷം രൂപയില്‍ താഴെയുള്ളവരുമായിരിക്കണം. സര്‍വകലാശാലകള്‍ ഐ.എച്ച്.ആര്‍.ഡി, എല്‍.ബി.എസ്., വിദ്യാര്‍ത്ഥിനി പഠിക്കുന്ന സ്ഥാപനം എന്നിവ നടത്തുന്ന ഹോസ്റ്റലുകളിലും, നേരിട്ട് നടത്തുന്ന ഹോസ്റ്റലുകളിലും, സ്ഥാപന മേധാവി അംഗീകരിക്കുന്ന സ്വകാര്യ ഹോസ്റ്റലുകളിലും താമസിക്കുന്നവര്‍ക്ക് ഹോസ്റ്റല്‍ സ്റ്റൈപന്റിന് അപേക്ഷിക്കാം. അപേക്ഷകര്‍ക്ക് എസ്.ബി.റ്റി/എസ്.ബി.ഐ തുടങ്ങിയ ബാങ്കുകളില്‍ സ്വന്തം പേരില്‍ അക്കൗണ്ട് ഉണ്ടായിരിക്കണം. 18 വയസിന് മുമ്പ് ബാങ്ക് അക്കൗണ്ട് തുടങ്ങിയവര്‍ 18 വയസിന് ശേഷം ബാങ്കുമായി ബന്ധപ്പെട്ട് മേജര്‍/അഡല്‍റ്റ് അക്കൗണ്ടാക്കി മാറ്റണം. ബാങ്ക് അക്കൗണ്ട് ആധാര്‍ നമ്പറുമായി ലിങ്ക് ചെയ്തിരിക്കണം. ന്യൂനപക്ഷക്ഷേമ വകുപ്പിന്റെwww.minoritywelfare.kerala.gov.in എന്ന വെബ്‌സൈറ്റിലൂടെ ഓണ്‍ലൈന്‍ ആയി അപേക്ഷ നല്‍കിയതിനുശേഷം ലഭിക്കുന്ന രജിസ്‌ട്രേഷന്‍ ഫോമിന്റെ പ്രിന്റ്, ബന്ധപ്പെട്ട രേഖകള്‍ സഹിതം സ്ഥാപന മേധാവിക്ക് സമര്‍പ്പിക്കണം. ഫോണ്‍ : 0471-2300524, 2302090 . പി.എന്‍.എക്‌സ്.5977/14

Share this

Abu Nuaim

Artikel Terkait

0 Comment to "സ്‌കോളര്‍ഷിപ്പ് അപേക്ഷാതീയതി നീട്ടി"

Post a Comment

Subscribe to: Post Comments (Atom)